Më pak se një muaj para fillimit të Kupës së Botës, pamje të ndryshme nga Katari tregojnë se po ndërtohen mure në përpjekje për të fshehur lagjet e varfra.
Katari tashmë është nën kritika të rënda për abuzime të shumta të të drejtave të njëriut, duke përfshirë keqtratimin e punëtorëve migrantë dhe kriminalizimin e personave të LGBT.
Tani duket se zyrtarët po përpuqen të fshehin pabarazinë në disa pjesë të vendit. Në një video të postuar në TikTok dhe të shpërndarë në Reddit, shihet një shofer duke udhëtuar në një rrugë të Katarit me një mur të gjatë të vendosur pranë tij.
Megjithatë, teksa kalon nëpër një rrugë të rrethuar me një llamarinë, shfaqet një zonë banimi më pak e priviligjuar. Ndërsa video përparon, është e qartë se muri është ende në ndërtim dhe puna ka të ngjarë të vazhdojë për të bllokuar hendekun.
Videoja del në dritë më pak se një muaj para fillimit të Kupës së Botës më 21 nëntor. Sipas FIFA-s, më shumë se një milion spektatorë priotet të ndjekin 64 ndeshjet e turneut. Me shumë të huaj që vizitojnë vendin për herë të parë, Katari thuhet se po përpiqet të fsheh kushtet e vërteta për shumë njerëz që jetojnë në këtë vend.
