Kënaqësi të prisja në zyrë një grup gazetarësh nga qytete të ndryshme të vendit, pjesëtarë të Unionit të Gazetarëve, që ndodhen këtë fundjavë në Gjirokastër. Nga aktualiteti te pandemia, nga turizmi te Gjirokastra si një destinacion i rëndësishëm, biseda me ta ishte fantastike dhe gjithashtu një mundësi e mirë për të folur mbi sfidat e përbashkëta. Media ka një rol të çmueshëm për të informuar publikun, për të pasqyruar punën e institucioneve, për të ruajtur qasjen kritike dhe natyrisht për të promovuar vlerat e përbashkëta dhe atraksionet e një vendi. Nga ana tjetër është me rëndësi edhe mosrënia në kurthin e lajmeve të rreme, që besoj se është shqetësim edhe për vetë gazetarët. Faleminderit që erdhët në Gjirokastër dhe suksese në punën tuaj !
