Pandemia e koronavirusit ka bërë që Koreja e Veriut të mbyllë kufirin e saj me Kinën, e për këtë shkak nuk mund të marrë më prodhime të tilla si vaj gatimi dhe oriz nga partneri i saj më i madh tregtar.
Koronavirusi ka shkaktuar një krizë të madhe globale, ku teksa ka kaluar gjysma e vitit me pandeminë Covid-19 edhe ekonomia e shumë vendeve është goditur rëndë.
Për këtë shkak, të gjendur mes kësaj situate qytetarëvë në Korenë e Veriut u është sugjeruar nga autoritetet që të konsumojnë breshka, pasi vendi po kalon një krizë për shkak të koronavirusit.
Izolimi i vendit prej muajsh dhe bllokimi i udhëtimeve me vendet e tjera si shkak i pandemisë ka shtuar varfërinë e njerëzve në shtetin që është goditur ashpër edhe nga sanksionet e Kombeve të Bashkuara gjatë viteve të fundit, si shkak i ambicies së Kim Jong un për armë bërthamore.
