NË QAFË KASHAR GJATË NATËS JANË DËGJUAR TË SHTËNA ME ARMË ZJARRI/ DETAJET…
Janë dëgjuar të shtëna me a-rmë zjarri, gjatë natës në Kashar, ku autorët që po lëviznin me një automjet tip “Benz” shënjestruan një servis, por shkaktuan vetëm dëme materiale. Policia ka bërë të mundur kapjen e dy personave të dyshuar pranë “Urës së Dajlanit”. Gjatë ndjekjes, dy të dyshuarit hodhën a-rmën në rrugë, ndërkohë që policia nuk ka zbuluar identitetet për shkak të hetimeve.
Njoftimi i plotë: Më datë 10.10.2020, rreth orës 04:10, është njoftuar salla operative se në Qafë-Kashar, nga një mjet tip “Benz” dyshohet se është qëlluar me a-rmë zjarri, drejt një servisi ku ka vetëm demë materiale. Menjëherë pas marrjes së njoftimit, shërbimet e Policisë u vunë në ndjekje të mjetit të dyshuar, ku në bashkëpunim dhe me Policinë e Durrësit, në vendin e quajtur “Ura e Dajlanit”, u bë kapja e dy personave të dyshuar të ngjarjes.
Shërbimet e Policisë, janë duke ushtruar kontroll të banesave të këtyre shtetasve, si dhe vijon kontrolli në rrugën interurbane Tiranë-Durrës, pasi dyshohet se gjatë ndjekjes nga policia këta shtetas, kanë hedhur a-rmën e zjarrit në rrugë. Shtetasit e kapur do shoqërohen në DVP Tiranë, për veprime të mëtejshme. Për arsye hetimi, nuk bëhen me dije gjeneralitet e tyre, deri në përfundim të veprimeve.
