Kosovë: Vjosa Osmani shkarkohet me urdhër partie..

Kryeparlamentarja dhe njherësh Nënkryetarja e Lidhjes Demokratike të Kosovës Vjosa Osmani është shkarkuar ditnë e sotme nga postet që mbante. Pas mbledhjes së Këshillit të Përgjithshëm është vendosur që Osmani të largohet nga kryesia e LDK-së dhe të mos jetë më nënkryetare.
Lajmin është bërë publik nga deputeti deputeti i LDK-së, Haxhi Avdyli, i cili e cilëson vendimin skandaloz. Ai shton se votimi është bërë me e-mail dhe hedh dyshime se mund të ketë pasur manipulime.
Pas lajmit Vjosa Osmani ka reaguar nëprmjet një postimi në llogarin personale Osmani thotë se Këshilli i Përgjithshëm i Lidhjes Demokratike të Kosovës, e shkarkoi atë nga posti i nënkryetares dhe anëtares së kryesisë së kësaj partie sepse ajo nuk i ndryshoi qëndrimet për disa çështje, duke i porositur të gjithë ata që votuan për shkarkimin e saj, se do të shihen së shpejti në zgjedhje.
Osmani thotë se ajo u diferencua nga partia e saj sepse është grua, pasi sipas saj, asnjë burrë nuk është përjashtuar nga LDK që ka votuar kundër vendimeve të partisë.
“U diferencova edhe për shkak se jam grua, sepse asnjë nënkryetar burrë në të kaluarën, edhe kur kanë kundërshtuar e vepruar kundër vendimeve të partisë, nuk janë përjashtuar”, ka shkruar Osmani në një postim në Facebook.. Perg: DdVm