Disa studentë në Tuscaloosa, Alabama, pasi janë diagnostifikuar me koronavirus kanë marrë pjesë në një festë dhe kanë organizuar një garë se kush do të infektohet i pari me virus.
Kështu ka deklaruar një anëtar i këshillit të qytetit për ABC News të mërkurën. Këshilltarja e qytetit, Sonia McKinstri, ka thënë që studentët kanë organizuar festa të Covid në formë loje, në mënyrë që të infektojnë të tjerët qëllimisht me koronavirus.
“Ata kanë vendosur para në një vazo, dhe kanë tentuar që të sëmuren me Covid. Kushdo që infektohet i pari, fiton vazon me para . Nuk ka kuptim”, ka thënë McKinstri. “Ata po e bëjnë këtë qëllimisht”. Sjelljen e studentëve e ka konfirmuar edhe shefi i departamentit të zjarrfikësve, Randi Smith.
Vetëm një orë pas fjalimit të Smith, këshilli ka vendosur në mënyrë unanime që maska të bëhet e detyrueshme në vendet publike.
127 mijë amerikanë deri më tani kanë vdekur nga koronavirusi vetëm në SHBA
