Kombinimi fatal! Covid dhe grip në të njëjtën kohë, ekspertët japin alarmin

Ekspertët kryesorë të qeverisë amerikane kanë paralajmëruar kongresin për ngarkesën e jashtëzakonshme me të cilën mund të përballen spitalet në vjeshtë dhe dimër ndërsa rastet e koronavirusit vazhdojnë të rriten në gjysmën e shteteve në vend.
Doktor Antoni Fauci është rikthyer në Capitol Hill bashkë me shefat e qendrës për kontrollin dhe parandalimin e sëmundjeve dhe administratës së ushqimeve dhe ilaceve. Ekspertët thonë se nuk është e qartë se sa do të zgjasë pandemia e koronavirusit por ata presin që ajo të vijojë edhe për disa kohë.
Ata thonë se është e paqartë se cfarë do të ndodhë nëse pandemia do të përplaset me sezonin e gripit, por gjasat që ajo të rëndojë shumë mbi sistemin shëndetësor në vend janë të mëdha. Nëse do të ketë covid 19 dhe aktivitet gripi në të njëjtën kohë, kjo do ta vendosë sistemin e shëndetësisë nën një presion të jashtëzakonshëm për sa i takon shtretërve, testimeve të nevojshme, pajisjeve mbrojtëse personale dhe sigurinë e punonjësve – thanë ekspertët