Vdes dhëndërri, kur niset të marrë nusen!( Kështu ka ndodhur)
Nga: Besim Dybeli, Vladimir Muçaj.
Ngjarje e padëgjuar në rrethin e Librazhdit . Një dasëm kthehet në zi për të gjithë, ndërsa dhëndrri vdes pa “prekur” me dorë ëndrrën për jetën. Një 25 vjeçar ka vdekur, teksa bëhesh gati të nisej me taksinë e zbukuruar të merrte njeriun e jetës së tij në Durrës. Ngjarja tepër e dhimbshme ka ndodhur në fshatin Qukës-Qendër , 20 kilometra në Juglindje të Librazhdit një vit më parë. Qindra dasmorë , kanë hedhur vallen e dhëndrrit, para se ai të nisej të merrte atë, që ëndërronte. Por, ka ndodhur ajo, që nuk mendohej…
Lotët , kanë pushtuar qindra dasmorë , ndërsa taksisë i janë “vyshkur” lulet në pjesët e saj të stolisura. Një djalë 25 vjeçar nga fshati Qukës, sapo kish hipur në makinën, që kishte porostitur për nusen e tij , nuk ka bërë më shumë se disa qindra metra rrugë. I ka rënë të fikët dhe në hyrje të qytetit të Librazhdit , ata që e shoqëronin , e kanë nisur me orgjencë në spital. I është dhënë ndihma e shpejtë , por nuk ka qenë e mundur rikthimi i tij në jetë. Në ditën e dasmës. E. S nga Qukësi , ka vdekur , pa patur mundësi të përjetojë udhëtimin më të këndshëm në jetën e një njeriu. Atë të marrjes së nuses , për të cilën ishin ngrehur dy dasma, vajza të shtunën dhe djali të dielën. Kish hedhur vallën të shtunën me ëndërrën e jetës së tij, pa ditur se të nesërmen nuk do të shihnin më njëri-tjetrin. Kishte qëndruar gjer pas mesnate në Durrës , ku nusja kishte shtëpinë e saj.
Të dielën, sipas zakonit do të nisej për ta marrë atë. Nuk mundi të bëjë atë, që shumëkush e bën një herë në jetë . I kishte rënë të fikët dhe më pas kishte kaluar në infrakt të pazakontë për këtë moshë duke humbur jetën në momentin më të bukur të përjetimit të tij, dasmës. Tek shtëpia e dhëndërrit ka pushuar orkestra dhe gjithçka është shndërruar në mort. Tek shtëpia e vajzës nuse është mësuar më vonë fati i keq i dhëndrrit dhe i saj. Në të dy krushqitë dasmat janë shuar sikurse jeta e një djali, që nuk jetoi dot as natën e parë të martesës. Nuk është e vështirë të mendohet se çfarë ka ngjarë në shtëpinë e dhëndërrit dhe atë të nuses. Por jeta mbart në vetvete ato, që njeriu nuk i ka parë as në në ëndërr !
