U zhvillua sot mbledhja e radhës e Këshillit të Qarkut. Për shkak të pandemisë dhe kjo mbledhje e rëndësishme për këtë institucion vendor u zhvillua online. Nën masa të mira tekniko-organizative të zyrës së burimeve njerëzore dhe stafit të Qarkut nisi komunikimi në distancë i drejtueses së mbledhjes, Evis Sema Dhima kryetare e Qarkut. Dhe pse një mbledhje online nuk bënte dallim të dukshëm nga mbledhjet para pandemie. Pothuajse të gjithë këshilltarët ishin në linjë të drejtëpërdrejtë diskutimi dhe komunikimi për rendin e ditës. Në rend dite ishin 6 projektvendime. Dy projekte kishin të bënin me buxhetin afatmesëm si dhe rishikim i një pjese të buxhetit në zërin e investimeve. Në këto dy pika pati përplasje menimesh gjatë diskutimeve, por në fund u dakordësuan të gjithë duke i kthyer në vendime të dy projekt-vendimet. Në vijim pa debate esenciale u miratuan 4 vendime të tjera ku KQ nderonte disa figura të spikatura në rang Qarku me titullin e lartë ” Nderi i Qarkut”. Pika të “ndryshme” e rendit të ditës kaloi shpejt pasi këshilltarët nuk kishin pretendime apo sygjerime të veçanta për ndonjë problem aktual apo të perspektivës. Mbledhja zgjati mbi një orë e 30 minuta nën drejtimin perfekt të Kryetares së Qarkut Evis Sema Dhima. ( V.Muçaj)
