Shqiptarja Amarda Koçi, e njohur me emrin e artit Ava Max, është një nga këngëtaret më të dashura në Britaninë e Madhe dhe jo vetëm.
Ajo ka arritur suksese të padiskutueshme, edhe pse në majat e sukseseve këngëtarja nuk e harron origjinën e saj.
Ava Max ka dhënë dhe intervistën e saj të parë për mediat shqiptare. Për programin “Ditë e re” Ava është lidhur në një lidhje me ‘skype’ ku folur shqip dhe ka treguar se ka lindur në SHBA mirëpo babain e ka me origjinë nga Qeparo ndërsa mamin nga Saranda.
Ndër të tjera ajo ka treguar se kishte shumë dëshirë të vintë në Shqipëri, por i ka anulluar planet për shkak të pandemisë.
“Dua shumë të vi, kam shumë familjarë atje që më presin. Me të gjithë gjyshërit e mi kam pasur një lidhje shumë të fortë. Gjyshja që jetonte me mua, ndërroi jetë në 2011, ajo ishte nga Qeparoi. Unë u mërzita kur ajo ndërroi jetë. Kur prindërit e mi erdhën në Amerikë nuk dinin gjuhë, nuk kishin para dhe vërtet mundoheshin të na siguronin jetesën. Kështu që unë kaloja vërtetë shumë kohë me gjyshen time”- u shpreh ndër të tjera Ava Max duke shtuar se nga Shqipëria i pëlqen byreku me petë.https://www.youtube.com/embed/fgPS7IfxYtM?enablejsapi=1&autoplay=0&cc_load_policy=0&iv_load_policy=1&loop=1&playlist=fgPS7IfxYtM&modestbranding=1&fs=1&playsinline=0&controls=1&color=red&rel=1&autohide=2&theme=dark&Shpërndaje:
