Ermal Meta zbulon datën e koncertit që do të mbajë në “Air Albania”! Ja si mund të rezervoni vendet.
Ermal Meta kishte paralajmëruar në qershor të këtij viti se do të mbante koncertin e parë pas pandemisë në Tiranë, më 26 korrik, në stadiumin “Air Albania”. Por kjo gjë nuk ndodhi dhe të gjithë fansat u bënë kuriozë të dinë se çfarë ndodhi me këtë koncert.
“Siç premtuam, kemi një datë të re. Pas koncertit në Tormina do të këndojmë së bashku nën qiellin e Tiranës. Më 17 Shtator në stadiumin ‘Air Albania’ do të krijojmë së bashku një kujtim të bukur. Koncerti do të jetë falas dhe artdashësit mund të regjistrohen nga e marta, 25 gusht në linkun në story. Ju pres!“, shkruan vetë këngëtari në Instagram.
Ermal Meta, i cili jeton dhe ushtron veprimtarinë e tij artistike në Itali, rikthehet pas tri vitesh në turin e tij të ri muzikor në Tiranë. Ky turne do t’i japë fund mungesës së koncerteve, por në të njëjtën kohë prezenca e këngëtarit në Shqipëri do të ketë një rëndësi emocionale për të.
Linku ku mund të rezervoni biletën: https://bileta.t-ticket.al/biglietteria/listaEventiPub.do
