Është quajtur “Princi i Polifonisë” dhe e ka merituar këtë status prej vitesh.
Me një postim të tijin Lefter Çipa njofton se Polifonët e Labërisë i kanë kushtuar atij një këngë dhe krahas falenderimit vetë Çipa ndan me dashamirësit e tij vargjet e këngës dedikuar atij.
Lefter Çipa përherë të befason me qenien e tij, me ato që thotë, me mënyrën si shprehet, me fjalët që zgjedh për të bërë qoftë edhe një falenderim. Metafora e tij është e pasur, është pa fund.
Ajo e ka burimin aty, në fshatin e tij, te rrënjët e tij, te malet që qëndrojnë si kurorë mbi bregdetin e Himarës.
Këtu, ku i ka rrënjët edhe polifonia e Pilurit.
Më poshtë postimi i Lefter Çipës:
Mirenjohje Polifoneve te Laberise sime!
Paçi uraten e zemres dhe te kenges sime o bij te Fosforines Vençe Shqiptare! Faleminderit !!!
Këngë e komb i ke në shpirt
Teksti Petrit Beqiri
Gjithë lumenjtë mbledhin zalle
Nëpër hone gurët shtojnë.
Perëndi bëhu skulptore!
Për poet Lefterin, tonë.
E ndali ecjen me këmbë,
Ia dha përjetë këngës.
Shqipëri e mira Nënë,
Dhuroi një varg të zëmrës!
Zanafillën arbërore
Si askush me fjalë e qepi.
Princ e the në labërore:
“Jemi që pa ardhur deti!”
Fosforinës i dhe jetë,
Jetë nga talenti yt.
Koha kështu do të rrjedhë,
Këngë e komb i ke në shpirt!
Ke bërë gjithë çka duhet,
Me artin tënd fosforinë,
Gjithë jetën s’do të shuhet
Kënga e Atdheut tim!
Refreni:
Perëndi nëse je zënë,
Me punë prej perëndie,
Lefter Çipës monumenti
Ju bë me fjalë Shqipërie…
