Një krim i rëndë është parandaluar në Berat dhe një 36-vjeçar ka rënë në prangat e policisë.
Ky i fundit kanosi një 39-vjeçar me mjet prerës (sopatë), për shkak të një konflikti për motive të dobëta, ndërmjet tyre.
Njoftimi:
Ndërhyrja e menjëhershme e shërbimeve të Policisë, parandalon përshkallëzimin e një konflikti ndërmjet 2 shtetasve, që mund të sillte pasoja për jetën.
Kanosi në rrugë, me sëpatë, një 39-vjeçar, për motive të dobëta, kapet në flagrancë, teksa kryente kanosjen, dhe vihet në pranga 36-vjeçari.
Sekuestrohet mjeti prerës (sopatë) me të cilin kanosi i arrestuari.
Sapo janë njoftuar se në lagjen “Çlirimi”, një shtetas po kanoste një tjetër, me mjet prerës (sopatë), për shkak të një konflikti për motive të dobëta, ndërmjet tyre, shërbimet e Komisariatit të Policisë Berat kanë organizuar punën dhe kanë mbërritur menjëherë në vendngjarje.
Si rezultat i ndërhyrjes së menjëhershme, shërbimet e Policisë kanë parandaluar përshkallëzimin e konfliktit, që mund të kishte pasoja për jetën e shtetasve të përfshirë në të, si dhe kanë vënë në pranga shtetasin A. F., 36 vjeç, banues në lagjen “Çlirimi”.
