Japin dorëheqje 70 gazetarë të portalit INDEX në Hungari

Bordi editorial dhe më shumë se 70 pjesëtarë të stafit të portalit INDEX në Hungari kanë dhënë të premten dorëheqjen, pas shkarkimit të kryeredaktorit Szabolcs Dull.Lajmin e bën të ditur vetë portali, që nënvizon: “Prej vitesh, ne kemi thënë se kemi dy kushte për funksionimin e pavarur të Indeks-it: Të mos ketë ndikim nga jashtë në përmbajtjen që publikojmë ose në strukturën dhe përbërjen e stafit tonë. Shkarkimi i Dull shkel kushtin tonë të dytë”.
Dull u pushua nga aksioneri kryesor i portalit, i cili është i lidhur politikisht me kryeministrin populist Viktor Orban. Një muaj më parë, Dull kishte drejtuar një paralajmërim të ashpër ndaj Evropës se pavarësia e shtypit, dhe veçanërisht e portalit Index në Hungari, po përndiqej.