Ja si do egzekutohej sot Ardian Çapja në Elbasan!

Ardian Çapja është qëlluar nga kodra e Krastës përballë shtëpisë së tij.
Burime nga prokuroria bëjnë të ditur se snajperisti ka qëndruar në kodrën e Krastës që ka fushë pamje nga dera e pasme e vilës së familjes Çapja. Ai e ka ruajtur Ardian Çapjan dhe ka qëlluar një plumb nga snajperi model finlandez i cili mund të qëllojnë në distancë mbi 600 metra.
Pas goditjes, një automjet “Volswagen” ka ardhur nga drejtimi i Librazhdit, ka marrë snajperistin dhe kanë udhëtuar në drejtim të Fushë-Mbretit. Aty ata i kanë vënë zjarrin makinës. Rezulton se makina ka qenë e vjedhur në Fushë-Krujë ndërsa targat kanë qenë të falsifikuara. Dyshohet se dy persona të tjerë kanë qenë duke i pritur me një makinë tjetër për të bërë edhe largimin e tyre. Policia ende nuk ka bërë publik një emër si të dyshuar për ngjarjen ndërkohë janë sekuestruar kamerat e zonës përreth. Ndërkaq, 55-vjeçari ndodhet në Spitalin e Traumës ku i është nënshtruar një ndërhyrjeje kirurgjikale.
Sipas mjekëve, Çapja ka marrë një plumb tejshpues i cili i ka hyrë në shpatull e i ka dalë në kraharor. Ai i është nënshtruar një operacioni mjaft kompleks, pasi plumbi i ka prekur arterien e zemrës dhe ka pasur shumë humbje gjaku. Mjekët e spitalit të Traumës thanw se se plumbi gjithashtu ka prekur nervat e zemrës dhe gjendja është kritike, ndërsa do të jenë 3-4 orët në vijim që do përcaktojnë gjendjen e tij. Ai ka marrë një plumb në shpatull por ka pësuar edhe një frakturë në kokë kur ka rënë pasi është qëlluar.. D.d.Vm.