Italia zgjat masat kufizuese, pas shtimit të rasteve me koronavirus.
Shifrat e infektimeve në Itali, ditët e fundit kanë pësuar një rritje të ndjeshme. Kështu qeveria e Kontes, është detyruar të lërë në fuqi masat kufizuese, afati i të cilave përfundonte sot. Kryeministri italian, u shpreh se ato do të zgjasin të paktën deri më 30 shtator. Distanca fizike dhe përdorimi i maskave vijon të jetë në fuqi. Transporti publik do të vijojë me 80% të kapacitetit, ndërsa në autobusët e shkollës me 100% nëse udhëtimi zgjat më pak se 15 minuta. Testet e koronavirusit, për udhëtarët që kthehen nga vendet me rrezik të lartë, janë të detyrueshme. Diskotekat do të vijojnë të jenë të mbyllura, ndërsa ndeshjet e futbollit, do të vijojnë pa spektatorë.
