Ish-truproja i Berishës e priste në seancë, shtyhet gjyqi për Izet Haxhinë, karantinohet avokati Idajet Beqiri
Ish-truproja i Sali Berishës, Izet Haxhia është paraqitur mesditën e sotme në seancën për vrasjen e Azem Hajdarit, e cilësuar si “vrasja e shekullit”.
Mirëpo, në një kohë që trupa e gjyqtarëve dhe prokuori ishin në sallë bashkë me Izet Haxhinë, i shpallur fajtor dhe i dënuar me 25 vite burgim për vrasjen e Azem Hajdarit, në seancë s’është paraqitur avokati Idajet Beqiri.
Beqiri ka dorëzuar në sekretarinë e Gjykatës një kërkesë për shtyrjen e gjyqit pasi është karantinuar në shtëpinë e tij sepse dyshohet se është prekur nga Covid-19. Seanca e radhës është caktuar më datë 23 tetor 2020 dhe aty pritet të vendoset nëse ish-kryeministri Berisha dhe 30 persona të tjerë do të merren si dëshimtarë apo jo.
