Ish-Kryeministri Berisha: “Edvin hajdutit i ikën mendja, i vërsulet gazetarëve/ Ja sa vite burg e presin…

Ish-kryeministri Sali Berisha, ka komentuar shpërthimin e mbrëmshëm që pati kryeministri Edi Rama, në studion e “Opinion”, teksa diskutohej lidhur me aferën e inceneratorëve. Berisha shprehet se; Rama nuk ka respektuar asnjë rregull të distancimit fizik, teksa ka shkuar pranë gazetarëve, i tërbuar, për shkak se afera me plehrat, mund ta çojë edhe në bùrg. “Skenë e paparë! Nuk thuhet kot për të, se godet ministra në mbledhje qeverie dhe në zyre. Edvin Hajdutit i ikën tepeleku, i kapur mat nga mega afera korruptive e tij prej 430 milionë euro e djegësave. Ai u vërsulet i tmerruar nga faktet gazetarëve në studio si brigand, duke shkelur çdo rregull etik, shëndetesor nga tmerri dhe tërbimi. Kjo sepse, ai e di se ka kryer megavjedhje, për të cilën do të dënohet së paku 32 vjet Burg”, shkruan Berisha në postimin e tij në rrjetet sociale, ndërkohë që mbrëmë ai sulmoi po Ramën, me një mesazh te Fevziu, duke i kujtuar dhe nënën që ka ndërruar jetë.
Duke u viktimizuar, Rama e quajti Berishën kokërr mjerimi, që nuk njeh skrupuj as ndaj personave që tashmë, nuk janë në këtë jetë.