Përfitimet nga divorci me bosin e Amazon, ish-bashkëshortja e Jeff Bezos shpallet gruaja më e pasur në botë.
Ish-bashkëshortja e njeriut më të pasur në botë, Jeff Bezos ka siguruar fitime marramendëse nga divorci.
MacKenzie Scott është shpallur gruaja më e pasur në botë. Pasuria e saj vlerësohet 68 miliardë dollarë.
Ajo mori 1/4 e aksioneve të Jeff Bezos në Amazon pas marrëveshjes së divorcit në vitin 2019.
Aksionet që Scott mori në atë kohë vlenin më shumë se 35 miliardë dollarë.
Tani 50-vjeçarja konsiderohet personi i 12-të më i pasur në botë.
Në korrik, MacKenzie Scott njoftoi se dhuroi gati 1.7 miliardë dollarë për 116 organizata.
Ndërkohë ish-bashkëshorti i saj është shpallur personi më i pasur në botë.
Shefi ekzekutiv i Amazon ka një pasuri me vlerë mbi 200 miliardë dollarë.
Aksionet e Amazon u rritën përafërsisht 28% gjatë tre muajve të fundit dhe më shumë se 90% nga fillimi i vitit.
Ngritja e aksioneve të Amazon, çoi në rritjen e pasurisë së Jeff Bezos në mbi 200 miliardë dollarë.
