Gjashtë kosovarë të cilët ishin bllokuar prej disa orësh në malin e Jezercës janë shpëtuar nga Forcat Ajrore të Ministrisë së Mbrojtjes.
Një helikopter arriti të shpëtojë 6 shqiptarët nga Kosova në një operacion ajror që filloi në orën 19:00.
Ata janë dërguar në Theth në gjendje të mirë shëndetësore.
NJOFTIMI NGA MINISTRIA E MBROTJES
Një helikopter i Forcës Ajrore u angazhua në operacionin e kërkim shpëtimit në malin e Jezercës ku prej disa orësh ishin bllokuar 6 shtetas nga Kosovë. Operacioni nga ajri nisi rreth orës 19 dhe pak minuta më parë turistët u morën nga zona ku ishin bllokuar dhe u dërguan shëndoshë e mirë në Theth. Operacioni i Forcës Ajrore në bashkëpunim me Policinë e Shtetit përfundoi me sukses.
