I shtruar në spital prej disa ditësh, mjeku humb jetën nga COVID-19
Mjeku Mynafir Beshiri në Kosovë nuk e ka fituar luftën me COVID-19, ndërsa mediat kosovare bëjnë me dije se ai ndërroi jetë mbrëmjen e djeshme.
Beshiri ishte shtruar prej disa ditësh në spital, por nuk arriti t’i mbijetonte virusit vdekjeprurës.
Lajmi është bërë i ditur nga Oda e Mjekëve të Kosovës.
“Humb betejën me koronavirusin mjeku nga Dragashi.Ndahet nga jeta Dr. Mynafir Beshiri. Dr. Beshiri i ka shërbyer shëndetësisë primare në QKMF Dragash. Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij”, thuhet në njoftim.