Humb jetën “Daja”nga Kosova i dyshuar për vjedhjen spektakolare në Rinas

Ka humbur jetën edhe një tjetër I dyshuar në vjedhjen e milionave në Rinas ditën e sotme.
Bëhet fjalë për Ragip Hajdini, i njohur si “Daja” nga Kosova, I cili u arrestua pak muaj më parë për grabitjen e Rinasit më 9 prill vitin e kaluar
50-vjeçari prej disa ditës ishte shtruar në spital pasi vuante nga një sëmundje e rëndë. Në ambientet e spitalit , nuk u lejuan që të futen të afërm për ta takuar.
Në ambientet e Traumës ditën e djeshme është parë edhe Cen Murataj, vëllai i Admir Muratajt. Ky i fundit është vrarë gjatë tenativës për tu arratisur pas grabitjes. Admir Murataj është cilësuar nga prokuroria si koka e grupit.
Ragip Hajdini u arrestua më 26 prill të 2019, tek ‘Shkëmbi i Kavajës’ në një pronë të tijën. Emri i 50 vjeçarit nga Peja përmend nga bashkëpunëtori i drejtësisë për këtë ngjarje Alkond Bengasi. Ai ka rrëfuer se e kishte pare disa herë Hajdinin në shoqerinë edhe të Admir Muratajt, i cili mbeti i vrarë gjatë grabitjes.
Bengasi ka rrëfyer se për herë të parë me Dajën ishin takuar tek një lokal pranë Shkëmbit të Kavajës, 6 muaj më parë, së bashku me Klement Çalen, Admir Muratajn e persona te tjere. Por 50 vjeçari kosovarë e ka mohuar akuzat dhe është shprehur se ditën e grabitjes ka qenë në një lokal në Kavajë. Gjithashtu burimet kanë bërë me dije se Hajdini ka marrë pjesë edhe në varrimin e Admir Murataj në Tropojë.
Për grabitjen e Rinasit janë arrestuar vëllezërit Eldi dhe Klement Çala, Oltion Veseli Elton Pikli, Saimir Çela, Renaldo Sula, Alkond Bengasi, ndërsa vazhdon të jetë në kërkim Talo Çela.
Avokati I Ragip Hajdinit bën padi nënë arsyetimin se klienti I tij është lënë pa kujdesin e duhur shëndetsor dhe sëmundja ka agravuar. D.D.V.M