Doktoreshë Eriselda Dino, Specialiste në Institutin e Shëndetit Publik ka deklaruar se rastet e reja po shtohen çdo ditë e më tepër sepse është rritur numri i testeve që po bëhen.
Në një intervistë për Report TV, Dino tha se virusi tani sapo “ka nxjerrë kokën” pasi vendi ka qenë i mbyllur dhe se duhet të përgatitemi për një vallë të dytë.
Dino shtoi gjithashtu se Ministria e Shëndetësisë duhet të ketë një plan paraprak gati për t’i bërë ballë valës së dyte të Covid-19.
“Numrat duhen lexuar në shumë aspekte, shifrat duken alarmante, por duhet të marrim parasysh rritjen e numrit të testimeve. Testimet janë dyfishuar dhe normalisht numri i të prekurve është më i lartë. Duhet të shihet edhe politika e hapjes. Kemi qenë në lockdoën të plotë, dhe virusi nuk e kishte nxjerrë kokën e vet dhe pritej. Nuk mund t’i vihet faj individi, por është i gjithë sistemi që duhet të funksionojë. R0 që njihet si matës për hapjen e sëmundjes është 1.12. Kjo do të thotë që 1 person i infektuar me COVID mund të infektoj afërsisht 1 person, transmetueshëria ka rënë. Nuk është ndonjë shifër që duhet pasur frikë, se Mali i Zi e ka 1.8, pra që mund të infektohen 2 persona. Ne kemi dikur 30 raste të infektuar për 1 mln banorë, gjithsesi kjo është e lartë se nuk kemi qenë në këto shifra më parë. Askush nuk e di se çfarë do të ndodhë, ne duhet të jemi të përgatitur si Ministria e Shëndetësisë, duhet të ketë një plan paraprak. Duhet të jemi të pajisur me veshje e pajisje, kapacitet për ventilatorë dhe aspirator, dhe duhet të jetë si ato lekët e shtëpisë që nuk duhen prekur në rast se kemi një buxhet,”– tha Dino.
Ndërkohë është rënduar sërish bilanci i COVID-19. Gjatë orëve të fundit kanë humbur jetën 4 pacientë dhe janë kofirmuar 93 raste të reja. Ministria e Shëndetësisë raportoi se është rritur numri i të shtruarve në spitalin Infektiv, ku ka shumë pacientë në moshë të re që po marrin shërbim.Aktualisht në këtë spital janë të shtruar 72 pacintë, 8 janë në terapi intensive në gjendje serioze dhe 4 prej tyre janë të intubuar në gjendje të rëndë.
