Gjylameti: Nis “larja” e parave,ja si do funksionojë!

Deputetja Blerina Gjylameti ka shpjeguar se si do të funksionojë amnistia fiskale dhe cilat do të jenë kategoritë që do të përfitojnë nga kjo nismë e qeverisë. Gjylameti tha se flitet për amnisti të plotë fiskale mbi të ardhurat, që nuk është bërë asnjëherë në Shqipëri. Ajo pohoi se personat që deklarojnë përmes kësaj amnistie nuk do të kenë as pasoja penale në të ardhmen.
Megjithatë, Gjylameti tha se nga kjo amnisti përjashtohen pasuritë e vendosura nga burime të paligjshme të të ardhurave.
Amnistia fiskale është një moment i vitit zero. Dimë që në ekonominë shqiptare 50% qarkullon jashtë kanaleve zyrtare. Ende sot kemi një ekonomi informale, për shumë arsye. Në thelbin e kësaj amnistie janë të përjashtuar ata që janë subjekt i OFL. Edhe pas deklarimit që bën një individ ato do të verifikohen. Drejtuesit e administratës dhe familjarët e tyre përjashtohen, tha Gjylameti