GJENDET MOTOÇIKLETA QË U PËRDOR PËR ATENTATIN NË SHKODËR/ JANË SHOQËRUAR NË POLICI TRE PERSONA
Është zbuluar motoçikleta e cila është përdorur, për të kryer atentatin ndaj shefit të Policisë Bashkiake në Malësinë e Madhe, Mentor Hasanaj. Ajo është gjetur, rreth 500 metra nga vendi në të cilin është kryer atentati. Autori e ka braktisur mjetin, ndërkohë që më pas, mendohet se është larguar në këmbe. Policia e Shkodrës, po ushtron kontrolle në zonë, pasi dyshohet se autori, nuk është larguar nga perimetri ku është kryer atentati ndaj Drejtorit të Policisë Bashkiake. Tre persona janë shoqëruar në polici si të dyshuar për ngjarjen. Kujtojmë se atentati me armë, u zhvillua ditën e sotme në qytetin e Shkodrës, në drejtim të makinës së policisë bashkiake të Malësisë së Madhe, ku mbeti i plagosur shefi i Policisë Bashkiake të Malësisë së Madhe, Mentor Hasanaj, si dhe babai i tij Xhelala Hasanaj. Si pasojë e të sh-tënave, janë pla-gosur rëndë babë e bir, ku Xhelal Hasanaj ka marrë dy pl-umba në gjoks, dhe është aktualisht në koma farmakologjike. E rëndë është situata shëndetësore edhe për Shefin e Policisë Bashkiake, i cili ka marrë dy pl-umba në kokë dhe një në hundë, ku ndodhet në spitalin e Traumës, duke luftuar me jetën. Policia njoftoi se shefi i Policisë, po udhëtonte në makinë me babain e tij dhe bashkëshorten, Vjollca Hasanaj 29 vjeçe, ndërkohë që janë qëlluar nga një motorr në ecje.
Mentor Hasanaj, nuk rezulton të ketë pasur konflikte, por mund të jetë edhe për shkak të detyrës.
