Falenderimi i takon Allahut!
Qofsh i kënaqur me mua i madhi Zot për këtë bekim!
5 shtator ora 21:00! Në jetë erdhi biri ynë Ansi!
Pritja jote ka qenë emocioni i jashtëzakonshëm bir, ka qenë një ëndërr e jetuar çdo çast, orë, ditë, muaj…
Unë dhe mami jot Marsilda, jemi shumë të lumtur që ti erdhe mes nesh! Tashmë na ke ndryshuar jetën, falë teje kam provuar emocione që kurrë nuk i kisha provuar dhe madje as imagjinuar deri më tani!.
Biri im, sot nuk dua të shkruaj gjatë, por të premtoj se tashmë do të jesh qendra e universit tonë, arsyeja e mjaftueshme për t’i gëzuar jetës çdo moment! Burim frymëzimi i pashtershëm dhe emocioni që kurrë nuk do ketë fund, do jesh padyshim ti, im bir!.
Sot dua të them shumë fjalë, por do i rezervoj për më vonë! E megjithatë, dua të dish biri im, se jeta jote dhe e nënës tënde, i dedikohen shumë një nëne tjetër, doktoreshës së jashtëzakonshme, të mrekullueshmes Anika N. Dokle!
Ndaj dua ta falenderoj doktoreshën që është kujdesur për ty dhe mamin tënd, duke mos u kursyer asnjë çast. Nga fillimi i krijimit tënd e deri sa mbrëmë mbërrite te ne, ishte pikërisht doktoresh Anika që së bashku me doktor Nderim Horeshka, bën të mundur që ti dhe nëna jote të jeni shëndosh! Faleminderit me zemër!
Mirë se erdhe Ansi, babi dhe mami të duan shumë! ( Newsalbania.al dhe Unioni i Gazetarëve Dega Fier uron kolegun Hoxhaj dhe bashkëshorten e tij)