Me kanabis, pistoletë dhe dy makina, arrestohet shqiptari në Athinë, furnizonte me drogë Mykonosin (Nofka-çfarë iu sekuestruan)
Një 37 vjeçar shqiptar ka rënë në prangat e policisë greke pasi akuzohet se furnizon me kanabis Mykonosin.
Ai njihej me emrin grek “Panagiotis”, dhe pas arrestimit i janë sekuestruar 8.5 kg kanabis e përpunuar, 2.5 kg drogë në formë çokollate, gjysmë kilogram kokainë dhe mbi një mijë doza XTC, dy makina, një pistoletë, 4 peshore, një makinë për numërimin e parave dhe një kasafortë, raporton “Protothema”.
37 vjeçari është kapur teksa ishte duke udhëtuar me makinën e tij tip “Audi”.
Ndërkohë policia vijon hetimet për emra të tjerë bashkëpunëtorësh pasi nga kontrolli në banesë, iu gjetën 16 shënime të shkruara me dorë dhe disa emra.