FOTO/ Çahet rruga në Borsh, ARRSH apel shoferëve

Rruga në lagjen Vonja të Borshit është çarë si pasojë e reshjeve me intensitet të lartë të ditëve të fundit.
Situata e rëndë meteorologjike, ka bërë që trupi i rrugës të ndahen në dy pjesë e të ketë rrëshqitje dherash.
Ndërkaq, për situatën e krijuar në rrugën e Borshit, ka reaguar dhe ARRSH, e cila lajmëron të gjithë drejtuesit e automjeteve që të evitojnë kalimin në këtë aks rrugor.
Reagimi i ARRSH: 
Informacion për opinionin publik dhe median
Në aksin Q. Llogarasë-Sarandë, në lagjen Vonja të Borshit, si pasojë e reshjeve me intensitet të lartë të ditëve të fundit, ka ndodhur një rrëshqitje, e cila ka dëmtuar trupin e rrugës.
Kompanitë e mirëmbajtjes dhe specialistët e ARRSH-së janë në vend për të vlerësuar situatën duke bërë në të njëjtën kohë edhe menaxhimin e trafikut vetëm në një kalim.
Lajmërohen të gjithë drejtuesit e automjeteve që të evitojnë kalimin në këtë aks, si dhe është ndaluar qarkullimi i mjeteve të rënda në këtë aks.