Vrasja e Eglantinës nga vëllai me urdhër të babait, zbardhet dëshmia e të fejuarit dhe të dashurit: Na ndanë me zor, pastaj hoqa dorë
Zbardhet dëshmia e të ‘fejuarit’ dhe të dashurit të Eglantina Bucit, 23 vjeçares që u vra nga babai dhe vëllai në 2012 në Malin me Gropa pasi nuk pranuan lidhjen e saj.
Bashkëjetuesi i Eglantinës ka deklaruar se me anëtarë të familjes Buci, janë takuar në Tiranë dhe se ata nuk e pranonin lidhjen mes tyre.
Më pas pa dëshirën e tyre, familjarët vendosën që ta fejojnë të renë me një djalë tjetër. Pasi i kanë bdarë me zor, i dashuri ka thënë se ka hequr dorë nga lidhja me të.
Nga ana tjetër në prokurori është pyetur dhe i fejuari që kishte zgjedhur familja. Ai ka thënë se asnjëherë s’ka qëndruar me Eglantinën edhe pse familja i kishte shpallur të fejuar.
“Mos më vrit, më fejoni me kë të doni”, këto janë fjalët e Eglantinës para se të vritej me plumb në ballë nga vëllai i saj në prani të dëshmitarit të penduar.
