Fier: Tentoi t’i jepte bakshish policit për pasaportën, arrestohet!..
Ndodh dhe kështu në Fier. Tentoi ti jepte njev”kafe” policit të rendit për të marë pasaportën shpejt e arrestojnë. Policia e quan “sukeses” rastin dhe përcjell komunikatën zyrtare. “Tentoi të korruptonte punonjësin e Policisë së Rendit, me qëllim përshpejtimin e procedurave për marrjen e pasaportës, arrestohet në flagrancë nga Policia.
Në vijim të punës për goditjen e paligjshmërisë, ditën e sotme, nga specialistët për Hetimin e Krimit Ekonomik e Financiar në DVP Fier u bë arrestimi në flagrancë i shtetasit E. B., 58 vjeç, banues në Fier.
Ky shtetas i ofroi rryshfet punonjësit të Policisë, me qëllim që ai ta favorizonte për tërheqjen e pasaportës.
Materialet proceduriale do t’i kalojnë Prokurorisë së Posaçme Kundër Korrupsionit dhe Krimit të Organizuar Tiranë, për veprën penale “Korrupsion aktiv i personave që ushtrojnë funksione publike”.- përfundon njoftimi i policisë së Fierit.