Kreu i Bashkisë Tiranë, Erion Veliaj, mohon të jetë larguar nga Shqipëria. Ai ka reaguar pas lajmit se gjendja e tij shëndetësore është përkeqësuar dhe thekon aktualisht është në Tiranë dhe pret bërjen e testit të dytë për të konfirmuar shërimin.
I kontaktuar nga Abcnews.al, Veliaj u shpreh se në testin e parë ka dalë negativ dhe tani pret që të bëhet testi i dytë për të qenë i sigurt se e ka kaluar virusin.
Ky reagim i Veliajt vjen pas lajmit të publikuar në disa media se ai ishte nisur për kurim të specializuar në Turqi. Më herët burime për newsalbania.al nga Bashkia Tiranë, mohuan që Veliaj të ishte larguar dhe thanë se lajmet nuk ishin të vërteta.