Elbasan: Armë të sofistikuara për egzekutimin e Ardian Çapjes

Ardian Çapjas, iu bë atentat me qëllim të qartë egzekutimin e tij. Nga informacionet e para është zbuluar se atentatori ka qëndruar prej kodrës së Krastës nga një largësi e pazakontë për një armë e thjeshtë.
Bëhet fjalë për një snajper mjaft të avancuar, i cili u gjet i djegur në makinën e braktisur të atentatorëve disa minuta pasi tentuan të vrisnin objektivin e tyre.
Konkretisht për snajper tip “Sako TRG M10 .338 Lapua Magnum”, 27 mm, prodhuar në Finlandë, i cili njihet botërisht për saktësinë e tij për shenjestrimin e objektivave disa qindra metra larg.
Policia ka zbuluar se Ardian Çapja u qëllua nga 250 metra largësi me një snajper që mund të vrasë deri në 800 metra. Për fatin e tij, plumbi i lëshuar e kapi në shpatull duke i shkaktuar një plagë të madhe dhe doli në anën tjetër të trupit. Çapja është tani nën kujdesin e mjekëve në spitalin e Traumës nën siguri të lartë policore.
Detajet
“Sako TRG M10 .338 Lapua Magnum” 27 mm mund të qëllojë objektivat e tij deri në 800 metra dhe ka “nam” të mirë në botë për saktësinë.
Arma kushton nga 6 500 deri në 10 000 dollar në tregun e rregulluar të armëve, ndërsa mendohet se në tregun e zi ai shkon edhe më tepër.
Vetë kostoja e kësaj arme tregon se atentati ndaj Ardjan Çapjas është i mirëorganizuar dhe financuar nga personazhe me fuqi financiare.
Snajperi në fjalë peshon mesatarisht 6.5 kilogram.
Mbushja bëhet manualisht dhe në karikator mban 9 ose 11 fishekë në varësi të specifikave që kërkon blerësi. D.D.