Delfinët kanë nisur të sjellin në breg sende të ndryshme në formë dhurate, pasi sipas banorëve, i mungon bashkëveprimi me njerëzit që janë larguar prej pandemisë së koronavirusit.
Njerëzit vinin rregullisht për të ushqyer apo përkëdhelur delfinët “gungaçë” në kafen Barnacles Cafe, në gjirin e Tin Can në Queensland, por prej disa javësh raportohet se vizitorët janë zhdukur prej epidemisë.
Stafi i barit bëri një postim në Facebook duke thënë: “Tufa jonë e delfinëve po sjell rregullisht dhurata në breg, duke treguar se sa shumë i ka marrë malli për vëmendjen dhe bashkëveprimin me publikun. Ata i ka marrë malli për të gjithë ju.
Mes dhuratave të sjella nga delfinët janë sfungjerë deti, shishe të veshura me guaska e molusqe, apo dhe copa koralesh.
Rezidentët thonë se delfinët kanë shfaqur dhe më parë sjellje të tilla, por kjo është shtuar mjaft gjatë epidemisë së koronavirusit.
Eksperti i sjelljes së kafshëve ujore Barry McGovern tha: “Asgjë nuk më çudit më me sjelljen e tyre. Ata bëjnë çdo gjë, përdorin mjete, kanë një mini-kulturë dhe thërrasin njëri-tjetrin me fishkëllima të ndryshme. Ka mundësi që t’i marrë malli për njerëzit si dhe për ushqimin që ata i sjellin gjatë lojës. Ata shpesh luajnë me sende, korale apo barëra duke i mbajtur me hundë. Kjo që po ndodh tani është ndoshta thjesht nga mërzia”.D.D
Drejtor
Vladimir Muçaj
Kryeredaktor
Besim Dybeli
Gazetar(e)
Valjeta Krosi
Enkelejda Troka
Ymer Hysa
Fidalete (Ahmeti) Muçaj
Greta Hoxha (Kulturë & Marketing)