E rëndë në Berat: Një 48-vjeçar ka ngacmuar seksualisht një 5-vjeçare

Një 48 vjecar ka ngacmuar seksualisht një 5 vjecare në qytetin e Beratit, nga egzaminimet e mjekëve doli se fëmija kishte shënja të ngacmimit seksual. Ngjarja e rëndë është shënuar mbrëmjen e djeshme, familje nga lagjja “Barrikadë” është paraqitur në Drejtorinë Vendore të Policisë Berat, ku ka denoncuar ngacmimin seksual që i është bërë vajzës së tyre, vetëm 5-vjeçe.
Menjëherë pas këtij denoncimi, blutë e Beratit kanë ndjekur rastin, duke vizituar fillimisht vajzën 5-vjeçe në Spitalin Rajonal të qytetit.
Nga vizita mjekësore që është kryer nga mjekët specialistë ka rezultuar se 5-vjeçarja kishte shenja të ngacmimit seksual, që sipas mjekëve nuk ishin finalizuar. Mësohet se e mitura është ngacmuar seksualisht nga komshiu i saj 48-vjeçar që rezulton të jetë i njohur nga banorët e lagjes si pijanec. Autori i identifikuar tashmë është arrestuar nga policia .DDVM