Vijojnë të shtohen frikshëm personat e prekur nga koronavirusi në vendin tonë, ku në 24 orët e fundit janë shtuar 69 raste të reja.
Kjo është shifra më e lartë që nga fillimi i pandemisë.
Rastet e reja janë zbuluar pas testimeve në të gjithë vendin, ndërsa harta e plotë me qytetet pritet të njoftohet në komunikimin e përditshëm të Ministrisë së Shëndetësisë.
Një numër shumë i lartë të personave që kanë rezultuar pozitiv, e kanë marrë infeksionin në ambientet spitalore, dhe më pas e kanë transmetuar atë në qytete të tjera të vendit, që derimë tani ishin konsideruar si zona të gjelbra.
Prej ditësh tashmë po regjistrohen shifra të larta, gjithmonë në rritje, si 42, 44, 48 apo 57 si ditën e djeshme.
Ministrja e Shëndetësisë Ogerta Manastirliu nga ana e saj, ka bërë një reagim në Facebook ku i bën thirrje qytetarëve që të ndihmojnë në kufizimin e përhapjes së koronavirusit.
“RespektoniRregullat, Kur dilni, ruani distancën 1.5 metër; Mbani maskë/barriera mbrojtëse kur nuk është e mundur të ruhet distanca fizike; Lani shpesh duart; Dezinfektoni dhe ajrosni ambientet ku qëndroni; RuaniShëndetin; Mbroni veten dhe të tjerët”, shkruan Manastirliu. Dd