Taksat e shqiptarëve i merr era, stuhia shemb statujën 30 milionë lekësh në Durrës
Stuhia që përfshiu qytetin e Durrësit mbremjen e djeshme dëmtoi statujën e Redonit, perëndisë ilire të deteve dhe ujërave. Kujtojmë se vepra është krijuar nga skulptori i njohur Ilirjan Xhixha dhe qëndronte në një prej shesheve kryesore buzë Adriatikut, por u shkatërrua nga natyra. Statuja në fjalë, ka kushtuar 29.8 milionë lekë, por mesa duket nuk ka pasur cilësinë për të qëndruar gjatë në “këmbë” para një stuhie. Me çfarë është ndërtuar vallë që nuk përballon një erë pak më të fortë se e zakonshmja? Redoni, hyu i deteve dhe ujërave në mitologjinë ilire, emrin e të cilit mban edhe Kepi i Rodonit, është provë e autoktonisë shumë të lashtë të ilirëve.
