138 Milionë Euro borxh, zgjidhja e mundshme: Do ngrihet sërish çmimi i ujit për qytetarët!
Deri në fund të vitit 2020, borxhi i ndërmarrjeve të ujësjellësit ndaj OSHEE kapi vlerën e 138 milionë eurove. Kjo situatë mund të zgjidhet sipas Ministrisë së Financave, duke shtuar koston e tarifës së ujit në elektrike në faturën e energjisë elektrike. Kjo është e vetmja mënyrë që të reduktohen detyrimet e prapambetura në sektorin e energjisë, në një urdhër të Ministrisë së Ekonomisë dhe Financave.
Rritja e detyrimeve konfirmohet si nga OSHEE, po ashtu edhe nga ndërmarrjet e ujit, është shprehur Ministria e Ekonomisë dhe Financave. Mes dy palëve janë nënshkruar disa marrëveshje, por pa efektivitet deri më sot, megjithëse kjo është një çështje që duhet zgjidhur. Kjo ministri ka dhënë dy zgjidhje për pagesën e faturave të energjisë nga ndërmarrjet e ujësjellësit të cilat janë: E para, pagesa e faturave të energjisë elektrike nëpërmjet overdrafteve dhe e dyta, zbatimi i reformës së ujit, ku do të reflektohet kosto e energjisë elektrike në tarifën e ujit.
