Lushnje-Mallakastër
Kapet dhe ndalohet nga policia një shtetas i shpallur në kërkim pasi ka ushtruar dhunë ndaj bashkëshortes, si edhe arrestohet në flagrancë një tjetër pasi ka ushtruar dhunë fizike ndaj kunatës së tij.
*Specialistët për Hetimin e Krimeve në Komisariatin e Policisë Lushnje, kapën dhe ndaluan shtetasin e shpallur në kërkim:
H. M., 53 vjeç, banues në Ballagat, Lushnje.
Ndalimi i këtij shtetasi u bë pasi Gjykata e Rrethit Gjyqësor Lushnje ms vendimin e datës 17.06.2020 e ka dënuar me 8 muaj burg për veprën penale “Dhunë në familje”.
*Specialistët për Hetimin e Krimeve në Komisariatin e Policisë Mallakastër, arrestuan në flagrancë shtetasin:
H. L., 57 vjeç, banues në Patos.
Arrestimi i këtij shtetasi u bë pasi në fshatin Drenovë Fushë, Mallakastër, për motive të dobëta ka ushtruar dhunë fizike ndaj kunatës së tij, shtetases Sh. L., 48 vjeçe.
Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje”.
