Detaje rreth vjedhjes me dhunë tek sheshi “Shqiponja”

Filiali i një poste private në Tiranë është grabitur me armë mbrëmjen e sotme.
Ngjarja ka ndodhur rreth orës 21:50, prane sheshit “Shqiponja”.
Policia njofton se dyshohet se dy persona ende të paidentifikuar, nën kërcënimin e armës kanë vjedhur një sasi lekësh dhe janë larguar me një mjet motoçikletë.
Në të gjitha hyrje-daljet e Tiranës, janë ngritur pika kontrolli. Policia ka shpërndarë në këto pika, identikitet e autorëve.
Forcat e Policisë po krehin zonën dhe vijojnë kontrollet edhe në parkingje e ambiente të ndryshme.
Grupi hetimor vijon punën për zbardhjen e rrethanave të ngjarjes, me qëllim  identifikimin e autorëve.  Perg: Dd.