Kreu i Komisionit Hetimor për Shkarkimin e Presidentit, Ilir Meta, Ulsi Manja, bëri me dije gjatë mbledhjes së sotme, se hetimi administrativ tashmë ka përfunduar. Deputeti Bashkim Fino kërkoi më shumë kohë për raportin përfundimtar.
Gjatë mbledhjes u përcaktuan dy relatorë, nga mazhoranca dhe opozita e re, të cilët duhet të paraqesin më 17 korrik një raport paraprak, për gjetjet e këtij komisioni.
Nga radhët e opozitës së re u zgjodh Halit Valteri, ndërsa nga mazhoranca, Klotilda Bushka. Pas prezantimit të raporteve paraprake, Komisioni do të mblidhet sërish të hënën, ku do të përpilohet edhe raporti përfundimtar, i cili do t’i dorëzohet Kuvendit.
Gjatë mbledhjes pati debate ndërmjet Manjës dhe Zenelit. Ky i fundit tha se ky komision po shkon në traditën e të tjerve, ku nuk është nxjerr asnjë raport paraprak, ndërsa përsërit sërisht, se opozita e re nuk ka qenë dakord me shtimin e objektit hetimor. Nga ana tjetër Manja u përgjigj, se komisioni e ka të përcaktuar objektin dhe ajo që kërkohet është një analizë teknike.
