Për t’u habitur/ Bashkia e Durrësit i jep varrezat privatit, por paraprakisht investon 200 milionë lekë për rikonstruksionin e tyre
Privatizimi i varrezave të Durrësit mund të jetë tashmë çështe muajsh. Më datën 28 janar, Këshilli Bashkiak miratoi privatizimin e shërbimit të mirëmbajtjes dhe ruajtjes së tyre, duke i hapur rrugë nisjes së procedurave tenderuese. Ndërkohë, ditëne djeshme, në ledhjen e Këshillit Bashkiak Durrës u miratua pika e shtatë e rendit të ditës, që lidhet me privatizimin e shërbimit të mirëmbajtjes së varrezave të qytetit.
Pavarësisht problematikave që paraqet mirëmbajtja e varrezave të qytetit, ky shërbim deri më tani është ofruar nga Ndërmarrja Komunale. Madje, vlen të theksohet se ky shërbim ka qenë ndër më fitimprurësit për arkën e ndërrmarrjes që regjistron numrin më të madh të punonjësve që ka një drejtori në varësi të bashkisë.
Por, ajo që është akoma më paradoksale është fakti se bashkia ka në plan të “investojë” 200 mln lekë të vjetra për rikonstruksionin e varrezave në nje kohë kur pritet hapja e tenderit për kompaninë përfituese të shërbimit dhe mirëmbatjes së varrezave.
