Klinika Infektive e QKUK-së ka njoftuar se sot, në këtë klinikë ka ndërruar jetë pacientja R.M. e lindur në vitin 1944 nga komuna e Prizrenit.
Pacientja ishte në trajtim në Mjekimin Intensiv të kësaj klinike dhe ishte e diagnostikuar me Covid-19, si dhe kishte edhe sëmundjeve të tjera shoqëruese.
Që nga fillimi i pandemisë, në Kosovë kanë vdekur 33 pacientë, të cilët kanë qenë të diagnostikuar me Covid-19.
Instituti Kombëtar i Shëndetësisë Publike në Kosovë bëri me dije se gjithashtu 53 persona të tjerë janë infektuar me Covid-19, shifra që vijojnë të jenë të larta prej disa ditësh.
Rastet e reja të regjistruara janë në Vushtrri, Prishtinë, Istog, Rahovec dhe Fushë Kosovë, ndërkohë që numri total i personave të infektuar ka arritur në 1437.
Instituti Kombëtar paralajmëroi se mosrespektimi i masave mbrojtëse mund të çojë në rikthimin e masave më rigoroze. Perg: Dd vm
