Një paketë ndihme speciale për të mbrojtur pagat e gazetarëve dhe për të mbështetur mediat do të prezantohet në Maqedoninë e Veriut falë përpjekjeve të sindikatës që përfaqësojnë punonjësit e mediave në vend.
Qeveria e Maqedonisë së Veriut pranoi propozimet e paraqitura nga Unioni i Pavarur i Gazetarëve dhe Punëtorëve të Medias (SSNM) për të ndihmuar gazetarët dhe mediat, të cilët po përballen me kushtet e vështira te shkaktuar nga pandemia Covid-19.
Federata Ndërkombëtare e Gazetarëve (IFJ) dhe Federata Evropiane e Gazetarëve (EFJ) kanë uruar bashkëpunimin e tyre.
E zbatueshme në qershor, korrik dhe gusht, plani do të sigurojë edhe subvencione për të gjithë punëdhënësit e mediave që kanë larguar në mënyrë të paligjshme punonjësit e tyre gjatë krizës, përfshirë edhe ata që ulën pagat e punonjësve.
Organizatat mediatike do të marrin mbështetje financiare nga shteti për licencat dhe shpenzimet e transmetimit në bazë të kërkesave nga SSNM dhe nga Shoqata e Gazetarëve të Maqedonisë ( SHGM).
SSNM tha që qëllimi kryesor i kësaj pakete është të mbështesë punëtorët e mediave dhe jo punëdhënësit.
Sekretari i Përgjithshëm i IFJ, Anthony Bellanger tha: “Ne mirëpresim vendimin e qeverisë së Maqedonisë së Veriut për të mbështetur punonjësit e mediave – kjo do të thotë më shumë sesa ndihmë materiale, është një shenjë respekti për institucionin e gazetarisë, si dhe për pasigurinë e profesionit tonë. IFJ uron SNMM për sigurimin e kësaj mbështetje kryesore për punonjësit e mediave. Është një shembull për tu ndjekur. Perg D.d.
