COVID-19/ 53 persona me virus për 24 orë në Kosovë

Kosova vijon të shënojë shifra të larta të infektimeve nga COVID -19. Instituti Kombëtar i Shëndetësisë Publike në Kosovë bëri me dije se 53 persona kanë rezultuar pozitivë në testet e 24 orëve të fundit, nga 313 mostra të kryera.
Rastet e reja të regjistruara janë në Vushtrri, Prishtinë, Istog, Rahovec dhe Fushë Kosovë, ndërkohë që numri total i personave të infektuar ka arritur në 1437, ndërsa numri i viktimave që në nisje të epidemisë ka arritur në 32 raporton newsalbania.al
Instituti Kombëtar i Shëndetit Publik, me anë të një komunikate ka thënë  se për shkak të mos mbajtjes së maskave është shtuar rreziku i shpërthimit të vatrave të reja të koronavirusit, ndërsa  paralajmëroi se mosrespektimi i masave mbrojtëse mund të çojë në rikthimin e masave më rigoroze. ( Dd.Vm)