Britania shton kontrollet kufitare në mes të valës së infeksioneve të reja.
Sekretari i Jashtëm i Britanisë, Dominic Raab thotë se kontrollet kufitare do të rriten mes rritjes së infeksioneve të koronavirusit në Mbretërinë e Bashkuar.
“Ne jemi duke u siguruar që njerëzit po plotësojnë formularët e tyre të lokalizimit të pasagjerëve dhe ne kemi kontrolle shtesë për t’u siguruar që ndërsa njerëzit vijnë në këtë vend – ata hyjnë në karantinë 10-ditore. Do të ketë kontrolle në shtëpi dhe kontrolle në kufi”- thotë ai.
Por Raab thotë se çdo masë e mundshme “duhej të ishte e zbatueshme”.
Ai thotë se forcat kufitare “do të rrisnin kontrollet” përveç Shëndetit Publik në Angli “duke rritur kontrollet se njerëzit në të vërtetë po karantinojnë në shtëpinë e tyre“.
Sekretari i Jashtëm Dominic Raab pyetet nëse programi i vaksinimit po shkon “më mirë se sa pritej”.
Ai tregon se MB ka dhënë të paktën një dozë vaksine për më shumë se tre milion njerëz.
Ai thotë se Mbretëria e Bashkuar ka dyfishin e vaksinimit të vendit tjetër më të lartë në Evropë, pas Danimarkës.
Synimi i vaksinimit që qeveria ka vendosur është një “qasje e zgjuar, realiste por ambicioze“, thotë ai.
Ai thotë se në pranverën e hershme qeveria shpreson se “ne mund të futemi në një vend më të mirë” dhe të fillojë heqjen e disa kufizimeve, megjithëse kjo do të duhet të bëhet “gradualisht”.
Ai shton se çfarë po e vë këtë në rrezik janë variantet e reja që qarkullojnë në të gjithë botën.
