Emigrantët shqiptarë në kampin e Kalesë kishin më së shumti rolin e sekserit, ndërkohë që vetë kampi drejtohej nga kurdët. Është kjo pamja që na ofron gazetari i Piranjave Eraldo Harlicaj në studion e emisionit ABC Live me gazetaren Sibora Bitri.
Xhirimet e Piranjave janë kryer në kushte ekstreme, ku ka pasur momente të shumta ku ‘drejtuesit’ e kampit kanë dyshuar, shikonin aparaturat, bisedonin me të tjerët në lidhje me aparaturat, ishin shumë mosbesues’, u shpreh Harlicaj.
Për gazetarin e Piranjave Eraldo Harlicaj: ‘kampi ishte një geto, papastërti e madhe , kurdët kishin cadrat e tyre, krijonin xhelozira, në momentin që një emigrant shkonte te kampi, merrte një ‘location’, kishte një lidhje me sekserin që ishin lidhur që në fillim’. Sipas tij shqiptarët ishin më të mënjanuar, dhe shqiptarët ishin në rolin e fatkeqit, shqiptarët bënin vetëm sekserin, ndërkohë që kampi drejtohej nga kurdët.
Kishte rreth 3000 persona në kamp, dhe 1000 prej të cilëve mund të ishin shqiptarë.
Lidhja me sekserët bëhej nëpër faqe të mediave sociale, të tilla si Facebook apo Instagram por ishte shumë e lehtë që të kishte devijime gjatë rrugës. Hoteli i qendrimit në Belgjikë ishte i profilizuar për shqiptarët, të gjente taksi dhe ishte një vend qëndrimi për shqiptarët.
