Braktiset makina në kufi me 77 pako marijuanë

Del nga rruga një automjet në kufirin Greko-Shqiptar. Mjeti ka dalë nga rruga në Asproklisi, Igumenice. Mjeti është konstatuar i braktisur dhe me dëme materiale. Në bagazhin e mjetit policia greke ka gjetur dhe sekuestruar 77 pako me 94 kg 450 gram marijuanë. Menjëherë ka nisur kontrolli i zonës, duke përdorur edhe qenin nuhatës. Pas pak oresh është konstatuar një shtetas që ecte në këmbë në vendin e quajtur Rajo. Shtetasi, grek, rezulton drejtuesi i mjetit. Gjatë kontrollit personal i janë gjetur 0.2 gram kokainë dhe 300 euro. Eshte kryer arrestimi i tij.