Bie zjarr në një pikë servisi telefonash në Sarandë

Një servis pajisjesh telefonike në lagjen numër 1 në qytetin e Sarandës ka marrë flakë. Servisi i përfshirë në flakët ndodhej në katin e parë të një pallati 7 katësh.
Ndërhyrja në kohë e shërbimit zjarrfikës bëri të mundur lokalizimin e zjarrit për të mos u përhapur nëpër katet e tjera të pallatit.
Në kohën kur ka shpërthyer zjarri nuk ka pasur asnjë në dyqan, pasi pronarët ishin larguar në shtëpi për pushimin e drekës.
Po punohet për të përcaktuar shkakun e këtij zjarri me dëme të konsiderueshme materialesh. DdVm