Besa Shahini: Do iki nga Shqipëria, nuk do të jem më ministre!
Ministrja e Arsimit, Besa Shahini do të përfundojë mandatin e saj deri në 2021, dhe nuk do të jetë më pjesë e qeverisë edhe nëse PS fiton zgjedhjet.
Këtë e ka njoftuar vetë Shahini në ” Ilva Now”, ku ka thënë se ajo do të zhvendoset në Kosovë, dhe për këtë e ka njoftuar edhe kryeministrin Rama.
Pjesë nga intervista:
Çfarë ndjesie ju jep të jeni në qendër të punës, por edhe diskutimeve për t’i larguar nga qeveria?
Besa Shahini: Këto janë diskutime normale kur jemi futur zyrtarisht në vit parazgjedhor. Këtu reflektohen të gjitha deshirat, vullnetet, ambiciet brenda partisë dhe besoj se kjo është e shëndetëshme. Kjo tregon që është një parti dinamike.
Mendoni që dalin nga partia këto zëra për largimin tuaj?
Besa Shahini: Unë besoj që dalin nga gjithandej. Është një diskutim që nuk ndodh vetëm për PS, por ndodh për të gjitha partitë, por është e rëndësishme për ne tani për shkak se jemi duke qeverisur.
A është e vërtetë që do të ketë një largim tuajin?
Besa Shahini: Unë tashmë kam njoftuar edhe kryeministrin Rama që kam marrë një vendim. Nuk do të vazhdoj të qëndroj në Shqipëri përtej këtij mandati, rrjedhimisht nuk do të përfshihem në zgjedhje. Ishte një vendim i vështirë për shkak se mua më pëlqen angazhimi politik dhe se unë e adhuroj Shqipërinë.
Mund ta dimë pse e keni marrë këtë vendim?
Besa Shahini: Jeta ime është pakëz e paqëndrueshme në Shqipëri. E gjithë familja ime jeton në Kosovë dhe përkundër afrimit që kemi bërë prapë jemi dy shtete të ndara. Në këto momente kur ka këto probleme prapëseprapë e sheh se nëse jeton me familjen larg është pak e vështirë të mirëmbahet puna që është mbingarkesë e madhe. I kam thënë kryeministrit të shërbej për sa kohe sa jam vlerë për ndërtimin e politikave arsimore dhe zbatimin e tyre
