Banorët e Laknasit janë ngritur sërish në protestë kundër ndërtimit të një thertoreje pranë banesave të tyre. Sipas banorëve me ndërtimin e thertores rrezikojnë që të ndotet lumi, po ashtu edhe një pjesë e pyllit do të pritet, duke bërë kështu që ajri të ndotet.
Banorët janë shprehur kategorikisht kundër ndërtimit të kësaj thertoreje, ndërkohë që kanë ndjekur edhe hapat ligjore për të ruajtur zonën e pyllëzuar.
Ambientalisti Sazan Guri i cili ishte në mbështetje të banorëve, tha se leja e dhënë për thertoren është ‘nul’ pasi duhet të ndërtohet 5000m larg lumit.
Është i vetmi rast që vijnë persona mbi 70-80 vjeç që duan të mbrojnë mjedisin. Ky pyll i jep banorëve ajrin e pastër. Ky pyll ua bën jetën të banueshme banorëve këtu. Ky pyll me këto rrënjë që ka pastron ujin e Tiranës. Është një pyll që mbron erozionin e lumit. Belgjika ka 4 thertore, Kamza ka 8 thertore.
Ka dhënë një lejë, por kjo leje do të behet nul. Pasi duhet të jenë 2000m larg banorëve dhe 5000 m larg lumit. Banorët kur janë bashkë nuk ka proces që ti thyej këto.
Ndërkohë një nga fëmijet e zonës, para kamerave shprehu revoltën e tij për të mbrojtur mjedisin ku ai është rritur.
“Unë nuk e lejoj Xhelal Mziun që të na marrë këtë vend. Ne nuk kemi ku të rrimë prej erës së keqe. Ato duan të bëjnë thertore dhe ne nuk do ti lejojmë pasi ky vend është oksigjeni jonë. Është ajri jonë. Ne nuk jemi dakord. Duam ajër të pastër dhe oksigjen. Këtë vend këtu ta bëjnë një park ose një vend të mirë dhe të marrim ajër të pastër, jo stallë derrash. Vjen një njeri pa të drejtë ligjore dhe na merr ajrin. Çfarë do të bëjmë ne tani ti lëmë ato që të na marrin ajrin. Ne duhet ta vëmë drejtësinë me këmbët tona dhe më shpirtin tonë që kemi gjallë.”- tha fëmija.
